கணினியும் தமிழும்

முன்பு கணினியில் தமிழ் எழுதுவது கடினமாக இருந்தது. ஒவ்வொரு நிறுவனமும் தனித்தனி எழுத்துருவை பயன்படுத்தியது. ஒருவர் எழுதியதை மற்றவரால் படிக்க முடியாது.

இந்தப் பிரச்சினையை யூனிகோட் தீர்த்தது. யூனிகோட் என்பது உலகின் எல்லா மொழி எழுத்துக்களுக்கும் ஒரு தனி எண்ணைக் கொடுக்கும் முறை. தமிழ் எழுத்துக்களுக்கும் அதில் இடம் உண்டு.

இன்று யூனிகோட்டில் எழுதினால், அது எந்தக் கணினியிலும் எந்தத் தொலைபேசியிலும் சரியாகத் தெரியும்.

தமிழ் தட்டச்சு செய்ய இரண்டு முக்கிய முறைகள் உள்ளன.

தமிழ்99 - தமிழுக்கென்றே வடிவமைக்கப்பட்ட விசைப்பலகை. அதிகம் பயன்படும் எழுத்துக்கள் எளிதாக அடையும் இடத்தில் இருக்கும். வேகமாக எழுதுபவர்களுக்கு ஏற்றது.

ஒலிபெயர்ப்பு முறை - ஆங்கில எழுத்தில் "amma" என்று தட்டினால் "அம்மா" என்று வரும். புதியவர்களுக்கு எளிது.

தமிழில் எழுதுவது இணையத்தில் தமிழ் வளர உதவும். நாம் எழுதும் ஒவ்வொரு தமிழ் வாக்கியமும் அடுத்த தலைமுறைக்கான வளம்.