கிணற்றுத் தவளை
The Frog in the Well
கிணறுதான் உலகம் என்று நினைத்த தவளைக்குக் கடலைப் பற்றிச் சொன்னது ஒரு கடல் தவளை.
🎧 Listen in Tamil, explained in your language
Each paragraph is read in Tamil, then in the language you pick. Tap 💡 under any paragraph for word-by-word help.
Translations by AI - they can make mistakes.
1. கிணறும் கடலும்
ஒரு பழைய கிணற்றில் ஒரு தவளை வாழ்ந்தது. அது பிறந்தது முதல் கிணற்றை விட்டு வெளியே போனதே இல்லை.
"இந்தக் கிணறுதான் உலகத்திலேயே பெரிய இடம். நான்தான் இதன் ராஜா" என்று தவளை பெருமையுடன் நினைத்தது.
ஒருநாள் கடலில் இருந்து ஒரு தவளை தவறி அந்தக் கிணற்றுக்குள் விழுந்தது. "நீ எங்கிருந்து வருகிறாய்?" என்று கிணற்றுத் தவளை கேட்டது. "கடலிலிருந்து" என்றது புதிய தவளை.
"கடல் எவ்வளவு பெரியது? இவ்வளவா?" என்று கிணற்றுத் தவளை ஒரு பக்கம் தாவியது. "இல்லை, இதை விடப் பெரியது." "இவ்வளவா?" என்று கிணற்றின் மறுபக்கம் வரை தாவியது.
"நண்பா, கடல் இந்தக் கிணற்றை விட ஆயிரம் ஆயிரம் மடங்கு பெரியது. அதன் கரையே கண்ணுக்குத் தெரியாது" என்றது கடல் தவளை.
"பொய்! இந்தக் கிணற்றை விடப் பெரியது எதுவும் இல்லை!" என்று கிணற்றுத் தவளை சத்தம் போட்டது. அதனால்தான், கொஞ்சம் தெரிந்துகொண்டு எல்லாம் தெரியும் என்று நினைப்பவர்களைக் "கிணற்றுத் தவளை" என்கிறோம்.
கதை சொல்லும் பாடம்
கற்றது கைம்மண் அளவு, கல்லாதது உலகளவு.
மூலம்: தமிழ்ப் பள்ளிக் கதை - வழிவழியாகச் சொல்லப்படுவது
Retold for learners in simple modern Tamil by tamil.academy - not the original text.